Ta Dia Mundial di Medio Ambiente awe. E tema pa 2020 ta “Celebra Bio-Diversidad.” Biodiversidad ta deriva di e palabranan  "biologico" y "diversidad". E ta referi na e diferente tiponan di bida cu ta haya riba Tera (mata, animal, etc.) como tambe e comunidadnan cu nan ta forma y e medio ambiente den cual nan ta biba. 

Comprende medio ambiente y e ciencia tras di con organismo bibo ta contribui positivo o negativamente na su salud por ta intimidante. Loke nos no por ignora, ta e realidad di cambio di clima especialmente den region di Caribe, cu e actividad aumenta durante temporada di horcan. Den e temporada di horcan mes, si nos no cuida nos medio ambiente, nos ta risca inundacion na nivel mas halto. 

Con nos como individuo por haci nos parti pa yuda salba nos medio ambiente?  Sigui e pasonan simpel aki bao: 
1. Paga bo facturanan online. No solamente esey ta mas ‘berde’, e ta scapa bo e dolor di cabez di para den rij. 
2. Tene artefacto electronico for di sushi y den bo poder mas largo cu ta posibel. ‘E-waste’ ta contene mercurio (‘kwik’) y otro sustancia toxico cu ta dañino pa medio ambiente. 
3. Cumpra un botter di awa re-uzable barata y stop di cumpra botter di plastic desechabel.  
4. Stop di uza saco desechable. Cumpra saco re-uzable pa bo compranan na supermercado! Laga algun den bo auto pa asina semper bo tin algun cu bo ora bo mester core cumpra algo den pura. 
5. Conserva Awa. No laga cranchi core  constantemente ora bo ta skeiro bo diente y ta laba co’i kibra, y si bo ta recolecta awa di habon, tir’e den cura como insecticida.
6. Casca di berdura y casca di webo por ser uza como fertilisante den bo cura.
7. Uza botter di glas como manera pa warda resto di cuminda y otro cos, specialmente den cushina. 
8. Re-uza papel uza.  Print riba dos banda o laga bo yiunan pinta riba e banda patras di e papel uza. 
9. Colecta awa di yobida y uza esaki pa muha mata den cas o den cura. 
10. Haci donacion o recicla unda ta posibel

Nos tur por haci nos parti! Laga nos ‘Go Green’ y tuma encargo di nos medio ambiente.