No keda descurasha pasobra e aña no necesariamente a bay segun plan. Nos sa cu ta dificil pa cumpli cu decision pero no ta bo falta! Covid-19 a tuma mundo pa sorpresa y a laga hopi di nos den un estado di incertidumbre. Cierto di nos metanan a yega na un paro abrupto y impredeci. Sin embargo, esaki ta temporal, y esaki tambe lo pasa bay. 

Aunke cuarentena no tabata ideal, e por ta djis e pusha cu cierto di nos tabata mester. 2020 ainda por ta bo aña! Con? Wel, tumando e pasonan simpel aki bao. 

1. Sea agradecido 
No tin miho manera pa keda positivo encuanto 2020 cu ta promer cu tur cos – agradecido. Cierto di nos a perde trabao y ta pasando den tempo dificil, pero tanten nos tin bida, tin speranza. Tin cu a perde nan bida; nos tin otro oportunidad. 

2. Temporalmente cambia focus
Si cuarentena o restriccion temporal nacional ta prohibi bo di logra bo metanan inicial pa 2020, temporalmente cambia bo focus. Haci algo cu bo ta gusta haci pero poco biaha ta haya tempo pa hacie. Investiga y siña mas tocante bo metanan o purba algo nobo. 

3. Siña un habilidad nobo 
Pakico no? Siña cushina o cose paña. Experimenta cu e hermentnan cu bo a cumpra pero nunca a uza. Bo nunca por sa ki habilidad nobo por trece entrada pa bo, o hasta cambia bo metanan ora nos bolbe pa algun tipo di normalidad. 

4. Relax
Si, relax. Con bo por haci 2020 bo aña relahando? Wel, un Abo rehubeneci ta un Abo creativo y un Abo mas enfoca. Uza e ‘downtime’ pa relaha pasobra un burnout ta algo demasiado real.

5. Pone budget
Nos mester tira un bista riba nos gastonan. Covid-19 a siña nos cu bida ta yen di birada inespera. Nos mester ta prepara pa futuro. Sinti bo mes liber pa papia cu un di nos asesornan pa haya sa con bo por budget un di nos solucionnan financiero  pa un mañan mas sigur. 

6. Improvisa
Cierto metanan ta rekeri cu bo ta flexibel den bo acercamento. Si bo tabatin un meta di fitness e aña aki, por ehempel, anto tin  hopi manera pa bo logra esaki ainda, sin cu bo ta bay gym. Sea creativo! Sigui bo trainernan di fitness faborito riba social media. Bo por tambe google o bay riba YouTube pa workout na cas.

7. Set up social media pa negoshi
Covid-19 a expone e necesidad pa nos pa ta mas habri pa mundo digital. Bo cas y bo clientenan fiel posibelmente no por yega na bo. No keda atras den e ola tecnologico aki. Set up bo mes pa exito y continua conectando cu cliente y trece cliente nobo aden poniendo un account pa bo negoshi pa bo keda conecta.   

Nos por haci e cos aki ainda! Nos ta den e cos aki hunto.